ဆောင်းအငွေ့အသက်ကို
တိုးတိုးကလေးပုံဖော်ရင်း
ရှေ့ပြေးနိမိတ်တွေဆာလောင်ခဲ့ဖူးတယ်
နှင်းစိုတဲ့ ရွက်ခြေက်တွေကြား
ချစ်သူကိုလိုက်ဖမ်းရတာ
အိမ်မက်တွေထဲပန်းတိုင်ပျောက်ခြင်းပေါ့
ရုတ်တရက်ကြားနာမိရင်တောင်
ဝေးဝေးကလှမ်းကြည့်ရုံပဲ
ဆုံမှတ်ကိုခွာလိုက်ရင်နဲ့
ခလုတ်တ်ိုက်မှသတိဝင်ခဲ့တယ်
အလှဆုံးပွင့်ပြီးသွားရင်တော့
ကြွေသွားရမှာပါပဲ
ညတာရှည်တိုင်း
အိမ်မက်ကောင်းမဟုတ်ဘူးပေါ့..
စိတ်ကူးယဉ်တောင်ထိပ်မှာတော့
ဒူးနန့်ပြီးမနေချင်တော့ဘူး
စာမျက်နှာကိုခေါက်
ပိပိရိရိပိတ်
ခြေလှမ်းဖွဖွနင်း
အနိမ့်ဆုံးနေရာက
ခုန်ချခဲ့ပြီဆိုတာ..
အချစ်ကြောင့်ရယူခြင်း
ဟန်ဆောင်ယဉ်ကျေးလျက်
မူမပျက်ပဲဖြားယောင်း
ဥုံ..ဖွက် ဟဲ့ အသက်သွင်း
၀၀လင်လင်စားသုံးသူ...။
အမုန်းကြောင့်ရယူခြင်း
ပေးသလောက်ပြန်မရ
ဗျာများလို့ရင်ထုမှိုင်
ကိုင်ဆောင်မှုတွေဖန်တီး
လောဘကြီးလိုက်သူ....။
ပေးဆပ်မှုသာ ထည်ဝါခြင်း
အချစ်ဟုနက်ရှိုင်းလေးနက်မယ်..
'ဟန်သီ' ဘာကိုရွေးမလဲ
အမုန်းကြောင့် ရယူတာက
ပိုခမ်းနားလိမ့်မယ်.......။
ဘ၀ကတောခြောက်လို့
ကျီးလန့်စာစား
သက္ခာပုသ်တော်.ဆွဲခေါ်နေရတယ်
အမှားတွေတစ်ဖျောဖျောရွာချရင်
နောင်တတွေ လည်ပင်းမြုတ်မှာ
မြင်ယောင်သေး...
တစ်ယောက်မမြဲ တစ်ယောက်တွဲလို့
အသည်းက ရွဲပလဲနေပြီ..
နေ၀င်ချိန်ကိုပါဆယ်ထုပ်
သေဖို့ကလည်းနီးလာပြီ....
ဒီမှတ်တိုင်ရောက်မှ ဆင်းရမယ်ဆို
အရှုံးတွေနဲ့ကျပ်ညှပ်
အိမ်မက်တွေနေရာမရလည်း
ခိုထားအုံးမယ်ကွယ်......။
